كلمات تتر مسلسل النص
بين الزقاق والعطفة
صـ.ـعاليك على حرافيش..
عيشتنا في أصلها حرفة
وآخر النهار معييش..
حرافيش قلوبنا حرة
مناكلش م التهويش..
القدرة لصاحب القدرة..
والبركة في الحرافيش..
نباهة وفهلوة
يغزلوا م الهوا م الهوا..
بكرة بسكر سنترافيش..
هيجيبوك ويودوك ويلفلفوك..
هيزمروك ويطبلوك ويرقصوك ..
عاشت مصر .. عاش الحرافيش..
جدعان جدعان مش نص ونص..
عاشت مصر .. عاش الحرافيش..
ساعة الجد نأدي ونص..
حرافيش أيوا لكن جدعان
والمتغطى بينا في آمان..
ويوم ما يجي المعتدي..
يهفه عقله ويعتدي..
ومصر تنادي تقول يا ولادي..
تلقى الواحد منا بألف..
نكسر شوكته ورغم الأنف..
حوالين نفسه كده هيلف..
ويشوف منا الوش التاني..
هيولول ويقول آه ياني..
ويشوف شغل الحلمنتيشي..
يرجع بلده يروح ميجيشي..
كلمات: جورج عزمي
ألحان: إيهاب عبد الواحد
غناء: هاني الدقاق
