المدير غير السوي او المريض بعشق السلطة والتملق له صفات يعرفها كل من خاضوا مجال العمل بأنواعه المختلفة ، وفي دراسات نفسية مؤخراً تم حصر هذه الصفات باللهجة العامية المصرية بطريقة كوميدية جاءت كالآتي:
– بيلم المطبلاتية حواليه وبيسعد لوجودهم
– بينفسن ويشيل جواه من كل اللي يعارضه
– بيقرف اللي شغال واللي عنده ضمير
– بيجند عصافير توصل له الاخبار
– بيركز علي التفاهات وينقلها لفوقه
– بيدور علي الارقام ومش مهم جت ازاي
– بيفتخر بالجزاءات اللي بيديها لموظفيه
– بيضايق من وجود كوادر معاه ويطفشهم
– بيراضي الإدارة ومش مهم اللي معاه
– بيبص تحت رجليه ومش مهم يبص قدام
– بيدور علي حقه وبيطنش علي حق اللي معاه
– يأمر واللي مينفذش يتحاسب من غير ما يسمع
– يدور أنه يراضي أهل الثقة ويعادي اهل الخبرة
– كلمته مهزوزة وبيرجع في كلامه كتير
– اكتر من نص اجتماعاته بيتكلم عن إنجازاته السابقة
– ضميره بيوجعه لما عصفورته تقع وميعرفش يعمل لها حاجة
– بيقضي فترته يكسب أكبر مكسب علشان مش ضامن يكمل.
