خرجوا ورانا من البنزينة.. إحدى فتيات مطاردة الواحات: مكناش لابسين ضيق ولا ملفت
كشفت إحدى فتيات واقعة مطاردة طريق الواحات في أكتوبر تفاصيل الواقعة، حيث أكدت أنها و2 من زميلاتها كانوا متواجدين في مقهى أسفل منزلهم وبعدها غادروا في سيارة صديقتهم، ودخلا محطة وقود على طريق الواحات وبعدها تحركن بالسيارة وبعدها تحرك الشباب الثلاثة خلفهم بالسيارات.
وتابعت الفتاة بعد وصولنا على طريق الواحات، رنا حاولت تهرب منهم لكن اللي راكب العربية النبيتي زنقنا ناحية الشمال على الطريق وعمال يعاكس ويقول أركنوا وتعالوا نقعد وفجأة لقينا العربية النقل وهو قافل الطريق علينا وخبطنا في العربية النقل.
وأضافت الفتاة، الحادثة كانت الساعة 7 الصبح ومكناش لابسين حاجة لافتة أو حاجة تدل أننا مش كويسين، لكن هما الشباب كان عندهم إصرار في إننا نقف، رنا رجلها اتحشرت في العربية وأنا إيدي اتحشرت في الكرسي، نازلين من العربية هدومنا متقطعة والموبايلات اتسرقت والفلوس كمان.
فيما قالت والدة إحدى الفتيات، البنات كانوا لابسين عادي رنا لابسة ترينج وحبيبة لابسة بنطلون وجاكيت والتالتة لابسة لبس عادي، وأنا برد على الناس اللي قالت البنات كانت سهرانة أو كانوا فين ده ميديش الحق لحد أنه يطاردهم بالشكل ده.
