طالب عدد من الصحفيين والنقاد الفنيين بتدخل نقابة الصحفيين في أزمة الناقد الفني طارق الشناوي ومصطفى قمر، بعد تلاسن الأخير ضد نقد الشناوي لفيلمه الأخير أولاد حريم كريم.
وقال الناقد الفني أمين خيرالله في منشور على صفحته : “الفنان الفاشل بطل الفيلم الفاشل ..أيه المشكلة يعني إن الناقد طارق الشناوي شايف إن فيلم «أولاد حريم كريم» فاشل، لأنه فعلاً فاشل وساقط.
وأضاف خيرالله: “تصرف غريب جداً من مصطفى قمر وتطاول مش مقبول بأي شكل من الأشكال ولازم يكون فيه وقفة من «نقابة الصحفيين» و«جمعية كتاب ونقاد السينما..دور الناقد الفني إنه يقول رأيه بكل صراحة وموضوعية وده اللي حصل فعلاً، لكن رد بطل الفيلم يدل على إنه شخص يجهل دوره كفنان”.
وتابع: “المهمة الأساسية للنقد الفني هي الرقي بالذوق العام وتوجيه الفن والفنانين وتقييم أعمالهم..لو الواقعة دي عدت بدون أي رد أو موقف حاسم تجاه الممثل الفاشل يبقى كده دور النقد الفني انتهى في مصر للأبد”.
ونشر مصطفى قمر على صفحته ردا على طارق الشناوي وقال: “هو انا مش طلبت منك تبعد عني اصلا ومتتكلمش عني علشان ماتتهزأش طيب انت اللي جيبته لنفسك عموما انت كاتب كلام يدل انك مشوفتش الفيلم وعموما اللي هيرد عليك الجمهور السينما الحقيقي اللي دخل الفيلم اللي ملوش دعوه بالنفاق او مصلحه حد تاني فكرني كده شغلتك ايه …؟ويرد عليه الجمهور بان الفيلم فعلا حلو و انه حقق ايردات عاليه..”.
