اكد الاعلامي عمرو أديب من خلال برنامج الحكاية المذاع عبر قناة ام بي سي ان محمد محمود عبد العزيز اتصل به في الفاصل وكشف تفاصيل جديدة حيث قال:
في الفاصل اتصل بيا الأستاذ “محمد محمود عبد العزيز” وهو أخ كريم وصديق عزيز ، وكريم صديق ليا
وكان فيه عتاب شديد إن هما عايزين يقولوا رأيهم وأيه اللي حصل .. محمد قال إنه بتاريخ 9 – 2023 قامت بوسي شلبي برفع قضية رجعة تثبت إنه حصل رجوع في الطـ*ـلاق ، ومحمد بيقولي إنه هو مكنش هيتكلم ولا يطلع بيان إلا لو هذا الأمر حدث بهذا الشكل
محمد بلغني إن بوسي خسرت كل درجات التقاضي حتى مع كل المستندات اللي قدمتها إنه حصل رجعة بعد الطـ*ـلاق بتاعة سنة 1998 .. فـ محمد بيقولي احنا مكناش هنفتح هذا الملف لولا أنها رفعت القضية وطلعت بيان وكلام عن محمود عبد العزيز
وبيقول أنا ماكنتش أتمنى أبدًا – وكان كلام مؤثر جدًا – إن اسم محمود عبد العزيز يتم ذكره بهذه الطريقة ولكن هي دخلت بالقانون وخسرت كل درجات التقاضي “طبقًا لكلام محمد” ومقدرتش تثبت رجوعها لمحمود عبد العزيز
سألته على موضوع الأرض قالي “أرض أيه؟ مفيش أرض ولا أي حاجة” كل شيء محمود عبد العزيز وزعه بالعدل على أقاربه ، سألت هل اسم بوسي شلبي موجود في إعلان الوراثة؟ قالي لأ .. الحمدلله إن دلوقتي معانا الطرفين وعرفنا السبب
إن – طبقًا لمحمد – رفعت قضية رجعة وخسرتها وقدمت كل المستندات ورغم كدة خسرت بكل الدرجات والمحكمة محكمتش ليها بالرجوع
