سلايدرعربي و دولي

السيسي يعلق على حالة التلاسن مع إعلاميين سعوديين: لن ننسى وقفة الأشقاء وننساق وراء مواقع محرضة

علق الرئيس المصري عبدالفتاح السيسي، على حالة الاشتباك الحاصلة بين بعض وسائل الإعلام المصرية وعدد من الإعلاميين وأكاديميين سعوديين، وقال إن سياسة مصر تتسم بالاعتدال والتوازن والانظباط الشديد تجاه الجميع في الداخل والخارج ، مضيفا: “عاوز أقول بتابع مواقع التواصل وبشوف إنه ساعات حماس زيادة أو حتى أقول تجاوزات في الكلام مش بتكلم عن موضوعات محلية بتكلم عن موضوعات خاصة بعلاقتنا مع أشقائنا وده أمر ننتبه إليه كويس”.

وأضاف السيسي خلال افتتاح المرحلة الثانية لمصنع “سايلو فوودز” للصناعات الغذائية بمدينة السادات في محافظة المنوفية: “أرجو إننا نخلي بالنا بتعكس مدى فهمنا ومدى تقديرنا للعلاقات مع الأشقاء وبالتالى لما يبقى فيه موضوع يتم تداوله بدون أساس وملوش خلفية وأمور قد لا يكون لها أساس من الصحة طيب ليه؟.. هنمشى وراء بعض المواقع المغرضة اللى عاوزة تعمل فتنة بينا وبين الأشقاء أقل حاجة نعملها نسكت إن مكوناش نقول كلام طيب نسكت.. حتى وسائل إعلامنا اللى احنا مش نبتدخل فيها..احنا مش بنكتب الا دايما لصالح تحسين ودعم العلاقات مش العكس علاقتنا طيبة بالجميع وده منهج ماشين بيه مش النهاردة ولكن منذ توليت المسئولية ده مسار بننتهجه كدولة حتى فى الأزمات والخلافات الكبيرة”.

وتابع: “احنا دايما مفيش تصريحات سلبية ومنظبطة جدا وميصحش نسئ لأشقائنا ومننساش وقفة اشقاءنا معانا.. لو فيه أزمة أنا أطول لساني وأقول كلام مش مظبوط ده كلام لا يليق ابدا ..فين “لا تنسوا الفضل بينكم”.. لما نعمل كده كمواقع تواصل وبعض المقالات اللى اشوفها مع أشقائنا في المملكة العربية السعودية أو أى دولة أخرى.. لا لا احنا حريصين وده توجه دولة وأرجو كمواطنين ننتبه إن احنا لا ننساق وراء مواقع تريد الفتنة بيننا وعلاقتنا طيبة بالجميع وحتي فى أصعب الظروف.. ومش عاوز أقول أسماء دول لأن الأمور كلها تجاوزناها وكنت عارف كده ولو كان فيه خلاف مع دولة شقيقة خلال السنين اللى فاتت، كنت عارف إننا هنتجاوزها، حتى الأزمة مع إثيوبيا في سد النهضة بتلاحظوا إننا مابنقولش كلمة واحدة تسيئ”.

واستدرك السيسي: “مكوناش نقول حاجة جيدة منقولش ولو مش هنبنى منهدش أرجو ناخد بالنا قوى وارجو مواقع التواصل وساعات بلاقي بعض الزملاء في الإعلام لو فيه خط وتصريح هنقوله كدولة بشكل رسمي ولو مقولناش ده يبقا الأمور ماشية طيبة..طيب يبقا نبني ونسئ ولا نحسن ونخلي بالنا يعني”.

Eslam kamal

موقع حرف 24 الإلكتروني الإخباري يهتم بالشأن المصري والعربي يركز على القضايا الاجتماعية ويلتزم المهنية
زر الذهاب إلى الأعلى