سيارات نجوم الرياضة.. زيزو الأغلى وشيكابالا الاقدم وكهربا مواصفات خاصة

شيكابالا

عربية مميزة وقديمة تعتبر أثرية ولما بتظهر في أي مكان بيتعرف إن شيكا موجود هنا، وده سر حبه ليها. العربية دي بي إم دبليو i8 وتمنها حوالي 5 مليون جنيه، ومبيتحركش إلا بيها.

أحمد سيد زيزو
ومعاه بدل العربية اتنين.
اشترى عربية بي إم دبليو x6 ودي تمنها حوالي 7 مليون ونص، وكانت هي العربية اللي رايح وجاي بيها في كل حتة، لحد ما شاف الرنج روفر وتمنها أكتر من 10 مليون جنيه. يعني زيزو معاه عربيات بحوالي 20 مليون جنيه

أحمد فتوح
ومعاه عربيات بحوالي 20 مليون جنيه. الأولى عربية رنج روفر رياضية وتمنها حوالي 10 مليون جنيه، والتانية عربية “الشؤم” وهي البنتلي وتمنها 10 مليون كمان.
ودي العربية اللي فتوح عمل الحادثة بيها في الساحل، ودفع تعويض 10 مليون جنيه عشان يخرج من القضية ومستقبله ميضيعش.

حارس الزمالك عواد

عربية فخمة جدًا وهي أودي q4 وتمنها حوالي 60 ألف دولار يعني بالمصري حوالي 3 مليون جنيه، وأوباما معاه مرسيدس a class وتمنها 4 مليون جنيه.

كهربا

راكب عربية بنتلي، واللي خدها هدية وحيه بيها من السعودية لما احترف هناك، وتمنها 10 مليون و200 ألف جنيه، ومعاه عربية بورش بوكستر حمرا مكشوفة وتمنها حوالي 5 مليون جنيه.
يعني كهربا معاه عربيات بـ15 مليون جنيه.

وأفشة

عربية بيجو 508 على قده، وتمنها حوالي 3 مليون جنيه.

صلاح محسن

عربية مرسيدس gle وتمنها حوالي 6 مليون جنيه.

ايمن  أشرف

راكب عربية مرسيدس أس كلاس وتمنها 5 مليون جنيه.

محمد شريف

عربية مرسيدس حمرا ماركة سي كلاس وتمنها حوالي 4 مليون جنيه ومش موجودة دلوقتي.

علي معلول

وقت الأهلي كان راكب أغلى عربية وهي مرسيدس مايباخ وتمنها بيبدأ من 20 مليون وانت طالع، ومفيش منها غير كام قطعة ومبيركبهاش غير رؤساء الدول ورجال الأعمال الكبار.