صاحبة فيديو هجيبلك شيخ بلبن ترد علي المعلقين حسبي الله ونعم الوكيل فيكم

حق الرد صاحبة واقعة “هعملك أعمال وأطلقك”

خرجت السيدة صاحبة الواقعة المثيرة للجدل لتوضح موقفها وترد على ما تم تداوله من فيديوهات مجتزأة. وقالت:

“الناس سمعت من طرف واحد بس. أنا متجوزة جنب بيت أهلي، ومامتي كلمتني وقالتلي أروح بسرعة علشان أختي المعاقة محتاجة مساعدة. كنت رايحة أغسل لها، فجأة لقيت مرات أخويا (نورا) نازلة ومعاها سكينة وولاعة وبتقول عايزة تولع فيها. بدأت تضرب في أختي المعاقة، وهي مريضة سكر وتعبانة.”

وأكدت أنها لم تستطع الوقوف مكتوفة الأيدي:
“ينفع أسيبها وهي بتضرب أختي المعوقة؟ لازم أحميها وأحمي أمي المريضة. هي فضلت تستفزني وتقوللي: إنتي سايبة بيت جوزك وجاية تقرفينا. طب هل علشان مش في بيتي أسيبهم يتضربوا؟”

وأشارت إلى أن الفيديوهات المتداولة غير كاملة:
“قصّوا الفيديوهات وظهروا كلامي أنا بس، لكن محدش ورّى إنهم نازلين علينا بالسكينة وضربوا أختي. أمي مريضة سكر وبتعلق محاليل.. مين يحميها هي وأختي المعاقة؟”

واختتمت حديثها قائلة:
“إحنا مش عايزين مشاكل، لكن اللي حصل إنها نزلت علينا ماسكة سكينة وبتضرب في أختي. دلوقتي سمعتوا من الطرف التاني، وحسبنا الله ونعم الوكيل فيكم.”