كشف الرئيس عبد الفتاح السيسي، رئيس الجمهورية، أهمية الإنتاج في توفير احتياجات المواطنين، قائلا: محتاجين عملة حرة للاستيراد من الخارج سواء في السلع أو المواد البترولية أو الأدوية، ودي حاجات أساسية وتحتاج إلى رقم كبير من العملة الحرة، وطول ما الرقم الكبير ده مش قادرين نوفره بالعمل والتصدير، وتوفر بدائل داخل مصر، سنعاني.
وأضاف الرئيس السيسي خلال زيارته فجر اليوم للأكاديمية العسكرية: لازم الموضوع ده بفضل الله نتجاوزه، ولما بتكلم على إنتاج زراعي لـ 3 أو 4 ملايين فدان، ده رقم كبير قوي، لتقليل جزء من فاتورة استيراد السلع الغذائية.
وواصل الرئيس: ومهما كان إنتاجنا الزراعي، اللي أنا بقول بكل تواضع إن إحنا خلال سنة بالكتير، هنكون دخلنا على خريطة سيناء أكثر من 450 ألف فدان، وفي الدلتا حوالي 2 مليون فدان، وتوشكا وشرق العوينات حوالي مليون، وبني سويف وغيرها، وكل ده بالإضافة للي موجود قبل كده ولسه، لأننا 105 مليون مواطن، وفيه معانا 9 مليون محتاجين حاجتهم تكون متوفرة في مصر.
وأجرى الرئيس عبد الفتاح السيسي، فجر اليوم السبت، جولة تفقدية في الأكاديمية العسكرية المصرية، وذلك رفقة قيادات من القوات المسلحة والأكاديمية العسكرية.
