كتبت – منة حافظ
كانت الفنانة غادة عبد الرازق ضيفة في برنامج معكم منى الشاذلي ويشاركها في برنامج أبنتها روتانا وأحفادها ويعرض البرنامج يوم الخميس والجمعة الساعة التاسعة مساء والإعادة يوم السبت .
موقع حرف 24 يعرض معكم أبرز تصريحات الفنانة غادة عبد الرازق
_ روحت لدكتور نفسي وقولتلة أنت محتاج تتعالج ، وبعدها جالي دكتور في بيت ولقيتة غريب كل ما أكلم كان بيأخذ علاج ويشرب مياة وبعدها قالها انا كمان تعبان محدش مرتاح في دنيا .
– اتجوزت صغيرة لأن كانت عقدتي نفسي أخرج، لأني كنت بشوف يسرية أختي مخطوبة وبتخرج فأنا عايزة أخرج .
_ لما بمثل شخصية بتكون مأثره عليا حتي لما أروح البيت وكل الناس بتتجانبني .
– زهرة وأزواجها الخمسة ومع سبق الإصرار الأقرب لشخصيتي، وكل اللي اتشاف على الشاشة في مسلسل زهرة مكنش مكتوب .
– كنت عايزة أبقى مشهورة والكارثة إني قولت لـ أمي إني هغني مش همثل، وقالتلي هتغني في الكباريهات .
– أنا شخصية مش متنمرة خالص ولا أقدر أتنمر علي حد ولو أتنمرت بيبقي هزار ما بينا في العيلة .
– ماما كانت أول مصيبة ليها إني قولت لها إني هتطلق من والد روتانا، ولما قولت لها إني هتطلق أغمى عليها وهي بتصلي، وكانت مرعوبة إنه ياخد روتانا، وهو قالي مش أنا ولا عيلتي اللي نحرم أم من بنت .
– لازم أروح لدكتور نفسي ولازم حد يسمعني، وباخد أدوية نفسية من 30 سنة وبقول الحمد لله .
– شخصية نعمة الله غيرت حياتي 180 درجة، والغوايش دي كانت بتاعة والدتي الله يرحمها .
وجدير بالذكر أن ، صرحت غادة عبد الرازق عن سبب انهيارها أول ما دخلت الأستوديو أنها بتعيط كل ما بتلاقي الناس بيحبوها وبيعبره عن حبهم ليها .
